|
Hallenturnier FC Villmergen 01.03.2009
[verfasst von Stephi Bickel] <-- thanx! und sorry wege de Verspötig
Und scho is nächschte Halleturnier vorde Tür gstande. Aber nüme so wiit weg und zum Glück hämmer au keis Problem mitem Wetter gha J. Mir händ eus am 8ti am Bhf. Oerlikä Nord troffe und sind denn alli gmeinsahm nach Villmerge as Turnier gfahre. Aja, übrigens, das Mal hät sogar de Rolf chöne richtig parkiere J.
Mir sind alli chli nervös und gspannt gsi uf euses erste Turnier mitem Domi. Bülach (1. Liga) hät denn au scho de Gegner gheisse... Miteme neue System und emene Siegeswille simmer denn eigentlich gar nöd so schlecht gstartet. Nach 5 Minute häds denn immer na 0-0 gheisse. Eigentlich nöd schlecht, wemmer luegt, dass Spiel nur 10 Minute ghat. Mite Ziit hät denn aber dKonzentration abgno und bii eus sind denn einigi Fehler entschtande, was dBülacherinne natürlich iischalt usgnützt händ. So simmer denn zum Schlussresultat vo 4-0 cho. Bülach isch de Topfavorite gsi und hät denn au a dem Turnier de 1. Platz gholt.
Kei Stund spöter hämer scho snächschte Spiel gha gege de FC Bremgarte (2. Liga). Mir händ genau gwüsst, dass gege de Gegner öbis drinne liit und händ unbedingt welle 3 Pünkt hole. Durch es wunderschöns Goal vode Mili hämer denn au 1-0 gwunne und händ dörfe 3 Pünkt uf eusem Konto guetschriebe.
Uf de nächscht Gegner händ sich denn alli recht gfreut, denn es isch Derby-time gsi. FC Oerlikä Polizei (2. Liga) gege FC Züri Nord (3. Liga). Mir händ unbedingt welle zeige, wer de Chef ufem Platz isch. Nur leider isch das denn hineuse. Meh oder weniger hät bi eus nüt meh funktioniert und mir händ denn au uf euses gwohnte System 2-2 umgstellt. Leider hät au das nüt meh gnützt und mir händ eus müsse mitere 3-0 Niederlage zfriede geh.
So richtig z’friede isch aber bis jetzt na niemert gsi, denn grad Mal vo mögliche 9 Pünkt hämmer nur 3 gha. So wird das wohl nüt mitem Wiitercho und de Überraschigsmannschaft. Aber genau scho wiä in Neuchatel hämmer namal kämpft und unbedingt gege de nächschti Gegner, de SV Sissach usde 1. Liga, punkte. Was aber diä Meischte a dem Turnier nöd gwüsst händ: Sissach isch de letscht jährigi Sieger gsi. Diä ganz Mannschaft hät namal kämpft und Wille zeigt, so dass mir denn mitem Schlussresultat vo 0-0 sehr z’friede gsi sind und au es bitzeli stolz J.
sLetschte und alles entscheidenti Spiel hämmer denn gege de SC Seengen 1 (3. Liga) gha. 3 Pünkt hättet müsse ane um ä Rundi wiiterzcho. Durch 2 Goal vode Mili und 1 vode Ferize hämmer denn au 3-0 gwunne. Juhui J
K.O. Rundi isch also a gseiht gsi. Um ä Rundi wiiter zcho, hättemer unbedingt müsse gwünne. Mir händ müsse gege de 1. Platzierte FC Richtierswil a trette. Leider hämmer denn 2-0 verlohre und sind somit usgschschiede. Das hät also für eus gheisse, dass mirs Turnier ufem 7/8. Rang abgschlosse händ.
Fazit vo dem Turnier: Es hät sicher gueti Assätz gha, wo aber na usbaufähig sind.
Debi sind gsi: Sandra, Nadia, Stephi, Hani, Maria (C), Joy, Male, Kim, Mili, Ferize
Trainer: Domi und Rolf
<< zurück
|
